العودة   منتديات حبتين > منتديات البوم الصور > قسم البوم صور المقلعين

قسم البوم صور المقلعين مصور شي بجوالك وتبي تتميلح رزه فيذا او صور مصرقعة خلنا نعلق عليها





سحقا للرجال ،يوم رجل

سحقا للرجال رسآلهـ اعجبتني حبيت اشوف تعليقكم عليهآ انطلاقا ضد الحملة التي شنتها ( سامطه سماط ) في الفيس بوك على الرجل تحت عنوان

جديد مواضيع قسم قسم البوم صور المقلعين
إضافة رد
 
LinkBack أدوات الموضوع إبحث في الموضوع انواع عرض الموضوع

حبتين

قديم 05-03-2010, 01:12 AM   #1
san
حبتين مثالي
san غير متواجد حالياً
افتراضي سحقا للرجال ،يوم رجل

سحقا، للرجال



سحقا للرجال



رسآلهـ اعجبتني حبيت اشوف تعليقكم عليهآ




سحقا للرجال ،يوم رجل 1.jpg

انطلاقا ضد الحملة التي شنتها ( سامطه سماط ) في الفيس بوك على الرجل تحت عنوان ( سحقا للرجال ) .. والتي كان سببها زوجها الذي وصفته ( بالعجاز – الغبي – المتصعلك – المتخلي عن مسؤولياته – ما همة الا بطنه وبس )
كما أن هذه الحملة لاقت رواجاً بين النساء وأخذن يرددن الشعارات داخل أروقتها

طيط طيط الرجال العاابيييط
* * *
بيب بيب الرجال مسوي ذيب
* * *
يا العومه شايف نفسك ليييييه
أنت خردة محد يبكي عليه
* * *
مرجل مرجل بكره تهرقل


وقد أوردت بعضا من المواقف على صفحتها من ضمنها أنها تدير المنزل بالفعل وهو بالقول فقط
وغير ذلك تضع له الغداء وعندما يأكل وينتهي يسقط بجانب السفرة وكأنه بقرة تلقت رصاصة في نصف جبهتها قبل ذبحها لتقوم بدورها وتضع يده المليئة بالزفر داخل كيسة لحم حتى لا يتسخ الموكيت ( عارفه أنه مافيه أمل يغسل ألين ياخذ غفوة وفي الحلم يشوف المغسلة وين مكانها بعدين يصحا )


كذلك أخذت تعبر عن مدى تشاؤمها عندما يقود عليها المراجل وينتقد طبخها وهو لا يجيد أي شيء في البيت غير الأكل والشخار أثناء النوم وكأنه يتغرغر بماء غريب

* * *
وحرصا مني وغيرة على بني جلدتي أقول لكم ( تلحلحوا ) وتعلموا الطبخ فشلتونا

اليوم يا ( سامطه سماط )
قد نزل السيل من مرازيم الملاحق
وتخبطت الأواني في بعضها حتى الملاعق
أقدح بشرارة الفرن كما تقدح الصواعق
مكر مفر لا تعيقني أعتا العوائق
حتى إن سقت أعطتني عزما أبين فيه الفوارق


* * *
اليوم لأول مرة في حياتي أطبخ أنا وصديقي اللي معي في السكن ووثقت كل شي سويته بالصور عشان بكره لو صار فيه تسمم والا شي نقول للشرطه الشغل كان نظيف
ما راح اطول عليكم


- _ - البداية - _ -

قبل ما نبدى في الموضوع لازم تعرفون أهمية غسل اليدين قبل لمس أي شي لان الواحد يتسمم وهو ياكل أكل نظيف كيف لو جاك واحد وصخ ( ما عاذ الله ما أقصد اللي معي ) سحقا للرجال ،يوم رجل biggrin.gif
المهم أول شي تغسل يدك بمويه ولو مافيه تعفرها بتراب أهم شي تغسلها ( كني أشوف يدينكم متشققه من المشق وحالتها حاله كنها أرض جدباء )


* * *
طبختنا اليوم هي ( الكبسة ) وتعريف الكبسة بشكل مبسط قبل نخش عشان أخوانا الأجانب الناطقين بغير اللهجة الخليجية
الكبسة :- هي عبارة عن مجموعة رزات كانوا مجتمعين في خيشه وضاقت عليهم الدنيا في كاس ثمن انفرجت عليهم شوي وتجمعوا في قدر


سحقا للرجال ،يوم رجل eqla3_1272289282.jpg

بداية صورة المطبخ قبل العمل وهذا أهم شي عشان تعرف تحصي كمية الخسائر اللي تسببها بعد ما تخلص
وأنصح أي شاب قبل يطبخ يصور المطبخ ويراجع القطع بعد ما يخلص من خلال الصورة اللي صورها عشان يعرف وش اللي انكسر واللي ما انكسر ويشتريه بسرعة قبل تدري زوجته وإلا امه وإلا وحده من خواته لا سمح الله


سحقا للرجال ،يوم رجل eqla3_1272289237.jpg

هذي عدة الشغل اتمنى محد من الشباب يفهم كلامي غلط وينط ويقول علي العود.. هذي قدور جمع قدر وبلهجة أهل الرياض تسدر


سحقا للرجال ،يوم رجل eqla3_1272288269.jpg

هنا أكيد بتقولون وشوله علبتين ملح ابقولكم وحده مليانه والثانيه فاضيه وحطيتهم مع بعض عشان تكثر المقادير .. حتى رز أبو كاس رفض أنه يرسل كاس والا كاسين من عنده أصر انه يجي بالخيشة كلها
طبعا الشطة هنا ناطله وجهها كنها للي يتجمهرون على الحادث

سحقا للرجال ،يوم رجل eqla3_1272288739.jpg

هذا البصل والطماط والشطة تقول انتم اللي جايين تصورون عندي .. حتى لو تشوفون ما طلعت الطماط من الكيسة كني مصورة داخل محمية

سحقا للرجال ،يوم رجل eqla3_1272288824.jpg

وهذا الشاهي الاخضر هو الوحيد اللي يتفاهم مع الكبسه ويقضي على حالة الخمول عند الشخص لأنه ببساطه بيخليك ترقد عقبها ( أذكر واحد من العيال من حبه للشاهي الأخضر صار يجيه شعور ينام في حوض زرع )
والشطه هنا صراحة كنها هذاك اللي يترزز قدام الكاميرا في الملعب ان جاء أي مقابله مع لاعب والا رئيس نادي

سحقا للرجال ،يوم رجل eqla3_1272288803.jpg

وهذي صورة جماعية للمقادير قبل ما ينزلون الملعب برعاية ابو كاس

طبعا خويي اللي يصلح معي مدري وش خلاني قوله ما فكرت وانت تطبخ تلبس دسوس( قاونتي ) مدري حامت كبدي من يديه والا اني صاير حساس من تالي جاوبني .. وين يا عمي ألبس دسوس داخل غرفة ضماد
حاولت أقنعه يجلس وأنا أصلح لكن حس الشهامة كان مرتفع عنده ثمن قلت له وش رايك نحط اشارب على روسنا عشان ما يطيح شعر في القدر والا شي .. ابتسم في وجهي وقالي .. الظاهر أنك كنت شغالة بعدها طنشني وراح يقطع السلطة وهو يصرخ كمل شغلك

سحقا للرجال ،يوم رجل eqla3_1272289726.jpg

هذي السمكة في الصينية شاريها الرجال اللي يطبخ معي يقول أنا خبرة في السمك مع العلم أني ما قد سمعت أن السمك ينوكل بالحراشف حقته
بس زين قابلنا واحد قبل ما نطلع من السوق وقال نظفوها قبل
بعدين حطها في موية وملح وسألته قلت انت بتصلح سمك أكيد والا بتقطع خمر .. قالي هذي حركة عشان تروح ريحة السمك اللي فيها .. تنهدت وقلت له على قولتك ( أهل السمك أدرى بالبحر ) << لعد تجيب امثلة

سحقا للرجال ،يوم رجل eqla3_1272289352.jpg


قطع البصل والطماط تقطيعا صغيرا كأنك تقطع صورة شخصية طالع فيها شيفه وما تبي أحد يشوفها ( واحد من اللي يعرفون يطبخون قال ياليتك متصل علي اجي اصلح بدالك ما عمرنا سمعنا ان البصل ينحط مع الطماط على طول .. نخبر البصل قبل والطماط بعده
لكن العومة عومه )

سحقا للرجال ،يوم رجل eqla3_1272289677.jpg

وفي هالصورة نعكس لكم يا معشر الرجال فن من فنون طريقة عزف التحريق وتقليب البصل والطماط عشان يصير لونه ذهبي ( خست وانا أقلب ما صار لونه ذهبي ذاب البصل وما صار شي ) بعدين عرفت انه ما ينحطون مع بعض .. ومن كثر ما قلبت أنصح أي واحد يلعب كمال أجسام أنه يقلب بصل وطماط خلال شهر يطلع له زند تايسن

سحقا للرجال ،يوم رجل eqla3_1272289827.jpg

نضع الخضار مع السمك بعد ان تركناها مغمسة في الماء والملح .. حاول ما تطلعها من المويه والملح إلا بعد نصف ساعه خلها تحس أنها ما زالت في البحر ما إنصادت
بعدين حطها في الخضار وصفف الخضار حوليها مثل المسيحيين ان صفوا الورد على الجنازة في التابوت

سحقا للرجال ،يوم رجل eqla3_1272291131.jpg

وهذي الحركة عشان نأكد لكم انها نفس السمكة اللي فوق وما غيرناها عشان ما تقولون جايبين سمكه مختلفة حتى تأكدوا نفس النظرات وفي نفس الوقت عشان تاخذ نفس لأنها ما تعودت على جو الخضار

سحقا للرجال ،يوم رجل eqla3_1272291174.jpg

بعد ما تصفف الخضار تخلي السمكة شوي عشان تتأقلم على الجو الجديد لأنها كانت لحالها في الموية والملح وهالحين معها خضار يبغالها وقت عشان تخش معهم
وفي هاللحظة نشف الرز بالمشخال عشان يطلع نثري لان الرز النثري يبغاله تصفيه من الموية ( بدى يتفلسف )

سحقا للرجال ،يوم رجل eqla3_1272291473.jpg

بعد ما تشوف ان السمكه اندمجت مع الخضار شلها وحطها في الفرن وخلها حسب التساهيل لاني بكل أمانه ما اعرف وش الوقت وعشان اكون أكثر صدق ما تذكرت كم الوقت الا بعد ما أمضت وقت وهي جوى الفرن

( تخيلوا هنا صورة القدر وفيه الرز لأني ما صورته )


نحط الرز ونحط المويه ترتفع عن الرز بمقدار سنتي واحد بس لو تضطر تغطس في وسط القدر مسطره بس أهم شي تضبط السنتي
وتخليه الين تتبخر الموية ثمن تقصر على النار قدر المستطاع إذا أردت أن تطاع << بدى يخور

سحقا للرجال ،يوم رجل eqla3_1272291616.jpg

وفي اثناء الطبخ تزبط الكشنه وهنا الكشنه جت عرضيه يوم شفت البصل والطماط كثير في القدر قمت شلت منه وقال خويي لا تكبه خله كشنه قلت كشنه كشنه وبراسك وحطيته في المقلات وقمت أحمس وجلست أنتظره يصير ذهبي ولكن اللي حصل أن الطماط من كثر ما حمسته حسيته أخذ موقف مني أني جالس أعذبه وقرب يعترف

سحقا للرجال ،يوم رجل eqla3_1272291554.jpg

وهذي صورة المطبخ اثناء المعركة مالك إلا تدور لك جدار تتكي عليه وتجلس تتفرج على الشغل الين يستوي ويخلص واذا حاب تعرف وش أنا سويت
مسكت الجوال حقي وجلست ألعب أونوا واسأل خويي اللي معي وهو يقطع السلطة أقوله أول مره اشوف وأحد يقطع مع السلطة بصل .. قالي وش اسوي لقيتها زايده حرام نرميها .. قلت له كويس أشوى أننا ما شرينا ثوم وإلا كان قطعته معها .. أخاف أصد عنك تحط فنايل وتقول زايدة
جلسنا نسولف في الموضوع وبعدها قلت له وش أمنيتك .. جاوبني والله يا أبو هديب أنا إنسان متواضع ( مدري وش دخلها بس نضيع وقت الين تستوي الطبخه )
قلت له .. الله يناولك مرادك يارب ويعطيك التواضع اللي تحلم فيه ..
وهو يقطع شفته يمسك كوسه قلت بتحطها مع السلطة قال ايه الخيار مهم .. قلت يا خي هذي كوسه .. مسك راسه وقال يا الله فيهم شبه غريب .. قلت المشكلة في عيونك قص لك نظاره أشوى أنك ما تصلح الرز والا كان حطيت صابون بدال الملح

أستوت الطبخة وجهزنا السفرة

سحقا للرجال ،يوم رجل eqla3_1272289510.jpg

أدري العالم بتقول وش هالطاولة ورى مهيب مرتبه وش جاب هالفوط وهالكيس
بنقولكم هذي اغراض حقت واحد من العيال قال لحد يجيها الين اجي وحنا جلسنا في هالمكان الفاضي من الطاولة ونحمد ربنا أنه ما حط اغراضه على الطاولة كلها

سحقا للرجال ،يوم رجل eqla3_1272289443.jpg

وهذي صورة مقربه للطاولة تضم كل شي بما فيهم الكاكولا وتوضيح بسيط ترى الكولا ما سويناها شارينها عشان الامانه بس

هذي فنيات خويي يقولك ادري انها أول مره نطبخ على الأقل خل لو صار الاكل شين تصير العين أكلت منظر حلو
قلت له أنسى يا حبيبي انا ما أحط يدي في شي إلا يضبط وجلسنا على الطاولة وأكل لقمة

سحقا للرجال ،يوم رجل eqla3_1272289590.jpg

أكل ملعقة وقام وهو قايم قلت له جب معك مناديل تكفى عشان نفرشها على فخوذنا وما تتوصخ ملابسنا .. ( اصلا لو طاحت اللقمة على ملابسنا توصخت هي مهوب الملابس من وصاخة اللبس اللي علينا .

سحقا للرجال ،يوم رجل eqla3_1272289637.jpg

قام خويي ونزل مع الدرج وقالي قم فارق عني بس قال إيش الرز نثري .. اللي أنت مسويه مافيه فرق بينه وبين أنك تاكله من الخيشه على طول ( حب )
سمعت كلامه وأخذت لي ملعقة حاولت أكذب عليه بس وقفتني نفسي وقالت أبو هديب معليش أنا نفسك اسمح لي أبوقف مع خويك لأني لو جاملتك بتاكل زيادة وابتعب عشان كذا نصيحة اعترف
ناديته وهو يصوت لي من تحت بسرعة قلي وش تبي أجيب لك من المطعم قبل ما يسكر ورزك هذا انتبه تحطه للعصافير لأنهم بيتكلمون على يدك والسبه رزك

أخذت ملعقة ثانية وحاولت وحاولت بس ما قدرت ابلع الشكوى الله قلت شكل اللوز ملتهبة ( اقناع نفسي )
قلت له جب معك أي شي وياليت وأنت جاي في طريقك تجيب دكتور أكلت السمك وأذكره يقول فيه عظم بس اللي أكلته مافيه عظم شكله ذاب مع الطبخ

الأشياء اللي استفدت منها


1- انتبه تطبخ عند ناس ما تتبنى الموهبة
2- حاول تخلي التجربة فردية لا تشطح وتحط صواني
3- عرفت ليش حريم اخواني يكرهوني في الصيف ان جلست معهم في الصالة بعد ما لبست الجلال وسويت دور ( سامطه سماط ) وكل وحده منهم تقولي أبو هديب الله لا يهينك تشوف ولدي ليكون طلع في الشارع وأنا أقولها ما عليه خلاف مهوب جايه شي وهي تبي تشم هوى وتضطر تلتفت نصف لفته وتجي ورى ظهر امي وترفع الجلال وتاخذ نفس كنها من حقين الغوص اللي يطلع ويرجع يغطس ثاني مره
4- الله يخلي الحريم وعط الخبز خبازه ولو أكل نصه





منقول من ايميلي



الموضوع لا يستنقص حق الرجال ولا يرفع من قدر النساء الكل سواسية وكلا في مجالة ملك وإنما هي تجربة خفيفه





الموضوع الأصلي: سحقا للرجال ،يوم رجل || الكاتب: san || المصدر: منتديات حبتين

كلمات البحث

منتدى بنات, منتدى حبتين, طبخات جديده, البوم صور, صور بنات, طبخات حصريه,مدونات روعه, مجله نسائيه, تحاضير مدرسيه, صور انمي, صور اطفال, منتدى نسائي





sprh ggv[hg Kd,l v[g







0 غرف اطفال رائعه2011,ديكورات غرف للاطفال هادئه2012,صور غرف نوم اطفال صغار 2011
0 بسكويت القرفة بالصور طريقة عمل بسكويت الدارسين كعك العيد بالخطوات المصورة
0 مسجات ورسائل للجوال عن السنة الجديدة 1431- 2010
0 استطلاع لضيفنا السابع
0 ملابس داخلية كروشية2011،صور ملابس داخلية للعرايس2011،لانجريهات بالكروشية2011


التعديل الأخير تم بواسطة san ; 05-03-2010 الساعة 01:17 AM.
  رد مع اقتباس

حبتين

قديم 05-03-2010, 09:19 PM   #3

فريق تطوير المنتدى

وردة الاسلام غير متواجد حالياً
 

افتراضي رد: سحقا للرجال ،يوم رجل

ههههههههه
يعطيك العافية






0 سياره من قماش
0 أغرب الجسور
0 مدينة المحقق كونان
0 أنبياء لم يذكروا في القرآن
0 نعتذر لذوي القلوب الحية ..

  رد مع اقتباس

حبتين

قديم 05-04-2010, 10:38 PM   #5
.:: عضو ::.
ام طحيمر غير متواجد حالياً
 

افتراضي رد: سحقا للرجال ،يوم رجل

خخخخخخخخخخخ ا حلى شي سماطه سمااط






0 كاريه يعني كاريه هههه
0 هل تتزوج فتاه خرجت معك
0 السسعود اذا جلس يفكر وخر
0 ~~~~ هايدي بااعت غنمهاا <== الله ياالدنياا
0 ما احلاك يا ربي

  رد مع اقتباس
إضافة رد

مواقع النشر (المفضلة)

الكلمات الدلالية (Tags)
سحقا، للرجال

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

سحقا للرجال ،يوم رجل



الساعة الآن 06:31 PM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Search Engine Optimization by vBSEO 3.6.0

Adsense Management by Losha

 

RSS - XML - HTML  - sitemap - sitemap2 - sitemap3 - خريطة المواضيع - خريطة الاقسام - nasserseo1 - nasserseo2

 

|